हिजोदेखि लगातार बर्षाहुँदा पाल्पाको तिनाउँ गाउँपालिका-५ केराबारी नजिकै गएको पहिरोले पाँच घर पुरिँदा वीरबहादुर गुरुङको घटनास्थलमै ज्यान गएको छ, भने ८ वर्षीय बालक आरब परियार बेपत्ता भएका छन् ।
बिहान साढे ३ बजे आएको पहिरोले सुजा परियार, नरबहादुर राना, हरि दर्लामी, बलबहादुर पुन र वीरबहादुर गुरुङको घर पुरिएको जिल्ला प्रहरी कार्यालय, पाल्पाले जनाएको छ ।
पहिरोले घाइते भएकाहरुलाई कल्याणी आधारभूत विद्यालयमा राखेर उपचार भइरहेको र विस्थापितलाई पनि त्यहीँ विद्यालयमा राखिएको प्रहरीले जनाएको छ ।
